नाशिक (मनोहर शेवाळे | जय योगेश पगारे) नाशिक जिल्ह्यातील निफाड तालुक्यातील नाशिक-औरंगाबाद राज्य मार्गावर असलेल्या चांदोरी शिवारात लॉन्स च्या नावाने अवैधरित्या सुरू असलेला बनावट देशी दारूचा कारखाना नाशिक ग्रामीण पोलिसांनी उद्ध्वस्त केला.
याबाबत सविस्तर वृत्त असे की चांदोरी शिवारातील उदयराजे लॉन्समध्ये बनावट देशी दारू निर्मिती सुरू असल्याची गुप्त माहिती पोलीस अधीक्षक सचिन पाटील यांना मिळाली, मिळालेल्या माहितीनुसार, सायखेडा पोलीस ठाण्याच्या हद्दीत हा कारखाना सुरू असल्याची खात्री झाली, त्यानंतर तातडीने पोलीस अधीक्षक सचिन पाटील यांच्या पथकाने थेट लॉन्सवर छापा टाकून सोमवारी रात्री ११ वाजेच्या सुमारास केलेल्या या कारवाईत सुमारे एक कोटीच्या मुद्देमाल हस्तगत करण्यात आला असून,संशयितांना ताब्यात घेतले आहे.
निफाड तालुक्यातील ही सर्वात मोठी कारवाई मानली जाते आहे. पोलीस अधीक्षक सचिन पाटील यांना मिळालेल्या माहितीनुसार, सायखेडा पोलीस ठाण्याच्या हद्दीत हा कारखाना सुरू असल्याची गुप्त माहिती मिळाली होती. त्यानंतर तातडीने स्वतंत्र पथकाने थेट लॉन्सवर छापा टाकत मुद्देमालासह संशयितांना ताब्यात घेतले व त्यांच्यावर गुन्हा दाखल करण्यात आला आहे, हा कारखाना अंबादास विठोबा खरात यांच्या मालकीच्या उदयराजे लॉन्समध्ये सुरू होता, यावेळी संजय मल्हारी दाते (रा. गोंदेगाव, निफाड) या व्यक्तीला पोलिसांनी ताब्यात घेतलं. त्याच्या ताब्यातील बनावट देशी दारूचे अंदाजे दीड ते दोन हजार बॉक्स, अंदाजे १० ते १५ हजार देशी दारूच्या रिकाम्या बाटल्या, २० हजार लिटर स्पिरिट, २०० लीटरचे ९० ते १०० बॅरेल, अंदाजे ५ ते १० हजार रिकामे बॉक्स, देशी दारू बनवण्याचे साहित्य, ५ पाण्याच्या टाक्या, एक ट्रक असा एकूण १ कोटींचा मुद्देमाल पोलिसांनी ताब्यात घेतला असुन पोलीस अधीक्षक सचिन पाटील यांच्या मार्गदर्शनाखाली नाशिक ग्रामीण पोलिस या प्रकरणाचा पुढील तपास करत आहेत.
नाशिक ग्रामीण पोलीस व राज्य पोलीस यंत्रणा यादृष्टीने खडबडून जागी झाली आहे या प्रकरणाची पाळेमुळे अजून कुठे असतील तर ती शोधून काढण्याचे काम पोलिस प्रशासन चांगल्या पद्धतीने करेल असे पोलीस अधिक्षक सचिन पाटील यांनी सांगितले.