लासलगाव (प्रशांत गिरासे) नाशिक जिल्ह्यात पुन्हा एकदा बनावट चलनी नोटा छापण्याचा धक्कादायक प्रकार उघडकीस आला असून, पाचशे रूपयांच्या 291 बनावट चलनी नोटा व्यवहारात आणऱ्या टोळीचा लासलगाव पोलीसांनी पर्दाफाश केला असून एका महिला डाॅक्टरसह पाच जणांना अटक केल्याने सर्वत्र खळबळ उडाली आहे.
लासलगावचे सहाय्यक पोलिस निरीक्षक राहुल वाघ यांनी दिलेल्या माहितीनुसार 500 दराच्या बनावट नोटा निवडून तब्बल 1 लाख पंचेचाळीस हजार रुपये जप्त करण्यात आले आहे.
12 ऑक्टोबर रोजी मिळालेल्या गुप्त बातमीद्वारे लासलगाव येथील राहणारे मोहन बाबुराव पाटील व डाॅ. प्रतिभा बाबुराव घायाळ दोन्ही रा बोराडे हॉस्पीटल जवळ लासलगाव व विठ्ठल चपलाल नाबरीया रा. कृषीनगर कोटमगाव रोड लासलगाव ता निफाड यांचेकडे सखोल चौकशी केली असता त्यांनी आमचा मित्र रविंद्र हिरामण राऊत रा स्मारक नगर पेठ ता पेठ जि नाशिक व विनोद मोहनभाई पटेल रा पंचवटी नाशिक हे आम्हाला सायंकाळी बनावट 500दराच्या चलनी नोटा देणार आहे . अशी माहिती दिल्याने पोलिस अधीक्षक सचिन पाटील , अप्पर पोलीस अधीक्षक माथुरी कांगणे , पोलीस उपअधीक्षक सोमनाथ तांबे यांनी केलेल्या मार्गदर्शनाने लासलगावचे सहाय्यक पोलीस निरीक्षक राहुल वाघ यांचे मार्गदर्शनाखाली पोलीस उप निरीक्षक रामकृष्ण सोनवणे , सपोउनि राजेंद्र अहिरे पोलीस हवालदार बाळु सांगळे . पोलीस नाईक कैलास महाजन , योगेश शिंदे , संदिप शिंदे , पोका प्रदिप आजगे , गणेश बागुल , कैलास मानकर , सागर आरोटे देविदास पानसरे महिला पोलिस शिपाई मनीषा शिंदे यांचे पथक तयार करून सदर पथकाने येवला रोड विंचुर येथे सापळा रचुन मोहन पाटील , प्रतिभा घायाळ , विठठल नावरीया यांना बनावट 500 दराच्या 291 नोटा देण्यासाठी आलेले रविंद्र हिरामण राऊत रा स्मारक नगर पेठ ता पेठ जि नाशिक व विनोद मोहनभाई पटेल रा चाणक्य बिल्डींग ओमकार बंगल्याजवळ , सुर्यवंशीरोड पंचवटी - नाशिक हे त्यांचेडील इटीऑस कार क्रमांक एमएच 03 सीएच 3762 हिचे मध्ये आले असता पंचासमक्ष छापा टाकुन त्यांचेकडुन500 दराच्या बनावट 291 नोटा व इटीऑस कार किमंत अंदाजे 4,00,000 रु जप्त करण्यात आली असुन वरील इसमांनी भारतीय चलनातील 500दराच्या बनावट 291 नोटा व्यवहारात आण्ण्यासाठी कब्जात बाळगल्या व प्रयत्न केला म्हणून पोकों प्रदिप आजगे यांचे फिर्यादीवरुन लासलगाव पोलीस स्टेशनला वरील इसमांविरुध्द भादवि कलम 489 क . ई प्रमाणे गुन्हा दाखल केला आहे. पुढील तपास सहा पोलीस निरीक्षक राहुल वाघ यांचे मार्गदर्शनाखाली पोलीस पोउनि रामकृष्ण सोनवणे हे करीत आहे .