दुर्दैवी: वाढदिवसाच्या दिवशीच आई व पत्नीचा विहिरीत पडून मृत्यू ; पवार परिवारावर दुःखाचा डोंगर

मनमाड (जय योगेश पगारे) मनमाड शहरातील पांडुरंग नगर येथे दोन महिलांचा विहिरीत पडून मृत्यू झाल्याची घटना घडली. या दोन्ही सासु-सुन  असून या घटनेमुळे परिसरात शोककळा पसरली असून

याबाबत अधिक माहिती अशी की शहरातील पांडुरंग नगर येथे असलेल्या विहिरीवर कपडे धुण्यासाठी गेलेल्या गयाबाई अशोक पवार ( वय ५०) ह्या पाय घसरून विहरीत पडल्या. गयाबाईने केलेल्या आरडाओडमुळे त्यांना वाचवण्यासाठी गेलेल्या मनिषा सचिन पवार ( वय २६ ) हिचा तोल जाऊन विहरीत पडल्या. मात्र या दोन्ही महिलांना पोहता येत नसल्याने आपला जिव वाचवता आला नाही. दुर्दैव असे की आज सचिन पवार याचा वाढदिवस असुन आई आणि पत्नीला गमवल्याने त्याच्यावर दुःखाचा डोंगर कोसळला आहे. 

बराचवेळ झाला तरी सासू-सून आले नाही म्हणून कुटुंबियांनी घटनास्थळी जाऊन बघितलं. तर तिथे विहिरीत दोघांचे मृतदेह आढळले. यानंतर परिसरात एकच खळबळ उडाली. संबंधित घटनेची माहिती पोलिसांना देण्यात आली. पोलीस आल्यानंतर त्यांनी घटनास्थळाची पाहणी केली. यादरम्यान गावकऱ्यांनी दोघी मृतदेह विहिरीतून बाहेर काढले. मयत मनीषा या गरोदर होत्या. व त्यांना 6 आणि 4 वर्षाच्या लहान मुली आहेत आईचे अशाप्रकारे निधन झाल्याने ही मुलं पोरकी झाली आहेत.

 याप्रकरणी मनमाड पोलिस स्थानकात अकस्मात मृत्यूची नोंद केली गेली असून पुढील तपास एपीआय गौतम तायडे करीत आहे